ඡායා මතක ~ Frozen Moments
Monday, September 1, 2014
ඔබ සොයමි නිල් කඳු අතර
පිය නගිමි නිල් කඳු වළල්ලට
ඔබ ගේ සිනා සෙවණැලි සැඟවිදැයි බලමි
සෙල්මුව සොයුරියන් තිදෙන ළඟ.
අප ඇවිද ගිය මග එදා මෙන්
ඔබ සොයමි ගල් පඩි බසිමින්
හමුනොවේ එහෙත්.
වැළපෙමි සොයුරියන් තිදෙන සමඟින්.
The Three Sisters, Blue Mountains, 2011
Friday, July 18, 2014
නුඹ
එදවස
හද ගුවන එකලු කළ
සුපුෂ්පිත මල් වෙඩිල්ල
වෙඩි හඬක් නැංවූ
ආත්මය සසල කර
මෙදවස
ගිනි මලකි නොනිවෙන
උණුසුම දෙමින් ළය තුල
වළ ගොඩැලි මඟ හැර
දිවි අඳුර දල්වන
Friday, February 21, 2014
මළානික හදවත
ඔබ ගියත් ඉගිල්ලී
නොදැක්ක ගානට
විසල් රියක් අවැසි නෑ මට
සීතලට
එදා මෙන් ඇවිද යමි
හිම වැටුණු පරණ මග
පණ ගැහෙන
හදවතේ
උණුහුම තිබේ මට
Monday, February 17, 2014
එනතුරු ඔහු අද
එනවා නේද අද
හවස් වෙන කොට?
මතකද බහින තැන
වංගුව පහු කරද්දිම?
Newer Posts
Older Posts
Home
Subscribe to:
Posts (Atom)